గత జ్ఞాపకాలు

ఎక్కడో ఎదమూలలో ఏదో సవ్వడి

ఎన్నడో విన్నట్లున్న అదే ఆ అలికిడి

గుండెల్ని గురితో కొట్టేసే హడావుడి

జ్ఞాపకాలే ఆ మదిలో ఒకటే కలివిడి

కలిసొచ్చిన కాలంలో కలసి నడిచిన గుర్తులు

వెలుగులిచ్చిన వలపు ఉషోదయా గమ్మర్తులు

గుర్తుకొస్తున్నాయి మాసి పోయిన ఆ చారికలు

మనసుని మత్తులో ఉంచీ ఆడిన పరిచారికలు

వలపు వానలో తడిసి తడిమంటలే తనువంత

తలపులే మానసమంతా వదలక ఏ అణువంత

జగమంతా జాజి పూల సుగంధమై వర్ణమయం

ఇద్దరిమధ్య ఒక్కటై ఘనీభవించిన ఆ సమయం

ఏది ఆ సమయం ఏ ఎడారిలో లభ్యం

ఒయాసిసులో దొరికేనా ఆ సౌలభ్యం

ఎండమావులకే నిలువ ఎండిన గుండె

గత జ్ఞాపకాలు మదిలోమండిన గుండ

మన్నించుమా నేస్తమా మళ్ళీరగల్చకు

మిత్ర ద్రోహము ఉనికి ఇంకా మిగల్చకు