ఏది నీదీ ? ఏది నాది ?

 ఏది నీదీ ? ఏది నాది ?

         

             -  నీదన్నది ఏదీ లేదీ లోకంలో ,

నీదనుకున్నదీ , నువ్వు అనుకున్నది , ఏదైనా ...

నీ తోడే వస్తుందా , నువ్వీ లోకాన్ని వీడే సమయంలో ...!

కడకు అన్ని ఆపేక్షలూ, ఉపేక్షింపకా తప్పదూ ..

తుదకు అన్ని ఆశలూ, నిశలు కాకా తప్పదూ ..

ఈర్ష్యలైనా , ఈసడింపులైనా ..

పగలైనా , ప్రతీకారాలైనా..

వగలైనా , వలపులైనా ....

Advertisement

>

పంతాలైనా , పట్టింపులైనా ..

బంధాలైనా , బంధుత్వాలైనా ..

ప్రేమలైనా , స్నేహాలైనా..

సుఖాలైనా , దుఃఖాలైనా ..

ధనమైనా , దరిద్రమైనా..

కులమైనా , మతమైనా..

మదమైనా , మాత్సర్యమైనా ...

         - ఏదీ తోడురాదు , మరణం పేరుతో మేను మన్నులో మమేకమయ్యే వేళలో ..

ఆయువు వాయువులో కలిసే క్షణంలో ..!!