రూపాంతరం
రూపాంతరం
పయనం సాగును ప్రతిపూటా,
ఆగదటా ఆహారపు వేటా,
మల్బర్రీ ఆకులు తెగ బుక్కునటా...
కంబళిలా తన చుట్టూతా గూడుగ కట్టి,
అందు దాగునటా ఈ గొంగళి....
పుల్లతో పొడిచెదరు,
కాలితో త్రొక్కెదరు...
కిరాత క్రూర నరులు....
దాటి వీరి అమానుష యత్నాలు,
బ్రతుకు నీడ్చి, అజ్ఞాతవాసం ముగించి,
పిమ్మట, హరివిల్లు వన్నెలు ఒంటికి పులుముకొని,
సరికొత్త అందాలు వందల్లా , వేలల్లా కొలమానమే లేని కుందనంలా...
అందరికీ తన ఇంపు చూపాలనీ,
ఆనందం పంచాలనీ, ఆత్రంగా
మీ ముందు నిలిచెను...
అలుపెరుగని అల్పజీవి ,
మథుర పుష్ప మకరంద సేవిత సుందర "సీతాకోక చిలుక "