ఒకరికొకరై ...
ఒకరికొకరై ...
రోజూ వేకువఝామునే కోడికూతకు
ఎవరు ముందుగా స్పందిస్తారో మొదలు
దినచర్యలో ప్రతిఘడియ
ఒకరికొకరిగా సాగించేదే దాంపత్యం .
భానునికిరణాలు భూమిని తాకగానే
మగనిచేతి కమ్మనికాఫీ త్రాగాలని భార్య .
పెరటిమొక్కలపై రాత్రంతా వాలిన
హిమబిందువులు వెలుగువేడికి
కరిగిపోయేవేళకు ఘుమఘుమలాడే
అల్పాహారంతో నోరూరించాలని ఆ భర్త .
ఇంతలో వచ్చే వార్తలను ఒకరు చూస్తోంటో
మరొకరు సమంగా తెలుసుకుంటూ .
అది కాగానే మరో ధారావాహికకు మార్చగా
మొదటివారు కనులనప్పగించుకుంటూ .
సంధ్యాసమయంలో విహారానికై వెళ్ళి
పూదోటలో హాయినిగొల్పే ఆటపాటలు .
స్నేహితుల ఆహ్వానాన్ని స్వీకరించి
అభిమానాన్ని పంచగా విందు వినోదాలు .
జాజిపరిమళాల గుభాళింపుతో
వెన్నెలవానలో కన్నకలల సాకారానికై
ఒకరిఒడిలో ఒకరు తలను వాల్చి
ఊసులను మనసారా విప్పిచెప్పుకుని .