ఒక రాఖీ

గొడవలు గొప్పవేం కాదు

మనం గొడవపడడంలో ఆశ్చర్యమూ లేదు

బంధమంటూ ఉందనే నేను ధైర్యంగా ఉన్నాను

ఏదో ఒకరోజు అన్నవనే ఆప్యాయత నీలో కలుగుతుందనే నమ్మాను

రాష్ట్రాలు దాటాను

సముద్రాలను పలకరించాను

యదలో ఇంకా లోటు

నీకు కట్టాల్సిన రాఖీ 

నా ఇంట్లో ఉండిపోయింది

ప్రతి ఏడూ కొన్ని కన్నీళ్లను దానికి అద్ది

మరింత కొత్తగా మారుస్తున్నా

చాలా కాలం గడిచింది

ఇంతకూ మనం ఎందుకు మాట్లాడుకోవడం మానేసాం

నిజంగా అంత విలువైన విషయమా

పోనీ ఆ రాఖీ ఎక్కడైనా పడేద్దాం అనుకుంటున్నా

అంత ధైర్యం చాలట్లేదు..