మహా వృక్షం

అతని చేతిలోని చిన్న మొక్క

కాసిన్ని నీళ్లు పోసి

ప్రేమతో పెంచిన ఆనవాలు

ఇప్పుడు

ఓ వైపు కోయిల కూతలు

మరో వైపు కాకుల గుంపులు

ఓ వైపు రాచిలుకలు

మరో వైపు గోరింకలు

కొమ్మ కొమ్మా పూరెమ్మలు

చెట్టు నీడన ఆడే ఉడతలు

మొక్కగా ఉన్నప్పుడు ఏ పక్షులు, జంతువుల నుంచి కాపాడాడో

ఇప్పుడు వాటికే ఆశ్రయం ఇస్తోంది ఈ మహా వృక్షం

కానీ మనిషికి దాన్ని చూస్తే

వృథాగా పోతున్న కలప గుర్తుకు వస్తుంది