లేఖనీయం

ప౹౹

కావాలనే రాస్తున్నా వలచే వసంతాన్ని

కవులనే కావాలని మెచ్చి ఆసాంతాన్ని ౹2౹

చ౹౹

వలపు కోయిలా వాకిళ్ళనే తెరవాలని

అలపు మరచి ఆలాపన సాగించాలని ౹2౹

మదిలో తలపుమైకం తన్మయించాలని

నదిలా గమ్యం కోసమే ప్రవహించాలని ౹ప౹

చ౹౹

లేకలేక రాసిన లేఖైన ఇది లేఖనీయమే

రాలేక రాసి పంపినా అభినందనీయమే ౹2౹

ఆనవాలునే అందించాలని నే ఆశించగ

చేవ్రాలునే చేమంతులుగా నిర్వచించగ ౹ప౹

చ౹౹

ఉంచుకో ఉత్తరాన్ని జ్జాపకాల పేటికలో

దాచుకో వాత్సల్యాన్నీ ఎలమివాటికలో ౹2౹

పదిల పరచుకో పరువాన్నీ పదికాలాలు

హృదిలో పొంగనీ ఆ ముసిమి మేళాలు ౹ప౹