కల్యాణం

నీలోపలి రామునితో..కలిసుండుట కల్యాణం..! 

మనస్సనే సీతమ్మను..లాలించుట కల్యాణం..! 

వాత్సల్యము ఎంతున్నా..రాగబంధమే మోహం.. 

సుజ్ఞానపు ఎఱుకలోన..జీవించుట కల్యాణం..! 

జన్మతోటి సౌమ్యతనే..పుణికిపుచ్చుకున్నదెవరు.. 

రామునిలా సమానతను..వర్షించుట కల్యాణం..! 

శివధనుస్సు ఉందెక్కడ..విరిచేందుకు ఓ రామా.. 

"నేను-నాది" స్పష్టముగా..విడనాడుట కల్యాణం..! 

ఎవరి జాతకాన్ని వారు..మార్చుకునే వీలున్నది.. 

శాంతిపూర్ణ వివేకమున..చరియించుట కల్యాణం..! 

పరమశివుడు హనుమంతుడు..ఆరాముని దాసుడాయె.. 

నామరూప రాహిత్యము..సాధించుట కల్యాణం..!