నిశ్శబ్ద పోరాటం

రెక్కలు ఆడనివ్వవు రివ్వున ఎగిరేందుకు..
చుట్టూ ఉన్న ప్రాణాలు.. నీ ప్రాణం కన్నా మిన్న కదా!
ముందుకు వెళ్తే బాధ్యతల మోత,
వెనక్కి తగ్గితే ఆశగా చూసే ఆత్మీయుల నీడ.
ఇంట్లో: మౌనంగా భరించాలి.. ఏడుపు వస్తే నవ్వాలి,
పిల్లల చిన్ని కోరికల కోసం నీ పెద్ద కలలను చంపాలి.
అర్థం చేసుకోని అనుబంధాల మధ్య,
అరిగిపోతున్న మెదడును అదుపులో ఉంచుకోవాలి.
బయట: యజమాని విసిరే మాటల బాణాలు,
వ్యాపారంలో ఎదురుదెబ్బల వడగాల్పులు.
చెప్పుకుందామంటే సానుభూతి తప్ప సాటి మనిషి లేడు,
వివరిద్దామంటే లోకానికి నీ ఓటమి తప్ప నీ కష్టం అర్థం కాదు.
గుండె లోతుల్లో: అగ్నిపర్వతం ఉడికిపోతున్నా.. అగ్గిపెట్టెలా నువ్వు దాచుకుంటున్నావు,
అందరి సుఖం కోసం నిన్ను నువ్వు హారతి కర్పూరంలా కరిగించుకుంటున్నావు.
ఓ మనిషీ.. విను!
నీ కష్టం వృథా కాదు, నీ ఓర్పు బలహీనత కాదు..
నువ్వు పడుతున్న ఈ మథనమే.. నీ కుటుంబానికి శ్రీరామరక్ష.
అలసిపోయావని ఆగిపోకు..
చీకటి ఎంత గాఢంగా ఉంటే, సూర్యోదయం అంత దగ్గరలో ఉన్నట్టే