కలగన్నాను

ప౹౹

కలగన్నానే ఎన్నడో తలపులో ఆ హాయిని

కలగనీ మనసుకూ అనుభూతి ప్రతీరేయిని |2|

చ||

పండువెన్నెల నిండు వెలుగై నిలువరించగ

పండుగల్లే ఆ వలపూ వరదై పలువరించగ |2|

కాలమా ఆగిపోవా మరలా మరచి అదును

జాలమే చేసి జాబిలికి తొలగించు బాధను |ప||

చ||

సంచరించిన ప్రతి యామినిలో సంచలనం

సంభవించినే ఊహతోఎదలోన ఆ చలనం |2|

సంకోచమేల సమీపించే తరుణమూ తరిమే

సంకల్పము సాధించ సాగిన ఆప నీ తరమే |ప|

చ||

ఆకాశాన ఆ తారలే తీర్పునిచ్చే వివరముగ

అవకాశం అందించే అను కోకుండ వరముగ |2|

మౌనమేలా మనసుల కలుపను ఆ జాగేలా

మౌలికమైన ఆ భావమే తెలపగా మరుగేలా

|ప|

చ౹౹

కోరిక కొండెక్కనీక కలపరాదా ఆ సరి బంధం

తీరికచేసి పెనవేసి పెరగనీ మరి అనుబంధం ౹2౹

బంధాలే కదా బ్రతుకునూ నడిపే ఇంధనాలు

సంబంధాలే పండించిన ప్రేమకూ వందనాలు ౹ప౹