జన్మభూమి

ప౹౹

నా జన్మభూమి ఎన్నడు మరచిపోని ప్రదేశం మదిలోనే ఎపుడూ కదలాడూ ఆ సన్నివేశం ౹2౹

చ౹౹

బాల్యమెంత ముడివేసుకుందీ ఆ ప్రదేశంతో

సాఫల్యమంత చవిచూసానే తల్లి ఆదేశంతో ౹2౹

ఆ తలపులే తెరచునే మదివాకిటి తలుపులే

ఆ నెలవులే హృదయ నైర్మల్యాన్నీ తెలుపులే ౹ప౹

చ౹౹

ఒకసారి చూడాలనిపించి చూసానులే ఊరిని

వేసారిన హృదికీ కలిగే స్వాంతనము మరిని ౹2౹

కాని వృద్దులే మిగిలిరీ ఊరి మొత్తానికీ చూడ

ఏమని వర్ణింతునులే కనిపించిన ఆ ఒక తేడా ౹ప౹

చ౹౹

బాలురందరు చదువుపేరిట చేరిరి నగరాలకు

భావిపౌరులు ఉద్యోగాలకే చేరరా ఆ తీరాలకు ౹2౹

ఉండే జనాభా తగ్గిన ఊరిని ఏమని చెప్పనూ

నిండు జనంలేని జన్మస్థలం ఒకనాటి గొప్పను