ఈ దేహం

జ్ఞాపకాల మధువు మెచ్చు..మనసు కదా ఈ దేహం..!

వేదించే ఆరాధన..ఫలము కదా..ఈ దేహం..!

నిను వేరుగ తలచుటచే..అర్చనలకు పాలుపడితి..

నాలో నిను చూడలేని..గుణము కదా ఈ దేహం..!

అనుమానపు కోవెలలో..వైరాగ్యపు దీపమేల..

మాయతెరల మట్టిప్రమిద..కొలువు కదా ఈ దేహం..!

తెలిసి మరచి మరులుగొనెడు..సంగతియే సంసారము..

కలల అడవి చిత్రాలకు..అరువు కదా ఈ దేహం..!

ప్రేమలోతు అందలేని..అంధత్వము తొలగుటెపుడు..

మంకుపట్టు కులపుమత్తు..తుక్కు కదా ఈ దేహం..!

ఎవరివెంట ఎవరి పరుగు..ఎందులకో మనసా..

చెలిమివిలువ తెలియలేని..మతము కదా ఈ దేహం..!