గణతంత్రమా!ఏదీ నీ చిరునామా?

గణతంత్రం 

పేరు వినగానే

నరనరాల్లో దేశభక్తి భావం

అణువణువునా అంకిత భావం

ఎందరో వీరుల త్యాగంతో

విరబూసిన స్వేచ్ఛా పుష్పం

మన స్వాతంత్ర్యం

నేడు కొందరి అల్లరి మూకల

చేతిలో వసివాడుతున్నది

బానిస సంకెళ్లను తెంచి

తెల్లదొరలకెదురేగి

ప్రాణాలర్పించి సంపాదించిన

స్వేచ్ఛా వాయువులు

కొందరి చేష్టల వల్ల

విషపూరితమవుతున్నది

నిద్రాహారాలు మాని

పోరాట బాట నడిచి

ఆంగ్లేయులను దడదడలాడించి

తరిమి తరిమి కొట్టిన

దేశభక్తి భావం

నేడు కొందరి వల్ల

పెడదారి పడుతున్నది

సమరయోధుల శౌర్యం

సమరవీరుల రుధిరం

జాతీయ జెండా గౌరవం

నేడు మట్టి పాలవుతుంది

గణతంత్ర చిరునామా

వెతుక్కోవలసి వస్తుంది

ప్రతీ ఒక్కరి మనో వీధిలో

సమతాభావం

పెల్లుబికినపుడే

నిజమైన గణతంత్రం 

సాధించినట్టు