గమనమే సాగాలి..

ప౹౹

గమనమే సాగాలి ఘనమై నవ గమ్యమై

గగనమే దిగిరావాలి ఓ గానమై రమ్యమై

అలపులేని పయనం చేర్చును అందలం

మలుపు కోరి మజలీ పేర్చును ప్రోద్బలం

గమనమే సాగాలి ఘనమై నవ గమ్యమై

చ౹౹

చాకచక్యమే చాలా కావాలిలే విజయానికి

కాలచక్రమే కలసి రావాలిలే ఆ కర్తవ్యానికి

యువతరమే మార్గం చూపాలి ముందుకు

నవతరమే నడుమే బిగించాలి సాగేందుకు

గమనమే సాగాలి ఘనమై నవ గమ్యమై

గగనమే దిగిరావాలి ఓ గానమై రమ్యమై

చ౹౹

దిక్కులే పిక్కటిల్లాలి ఆ విజయఘోషతో

చిక్కులే చక్కదిద్దాక కానరావే ఏ మిషతో

దిక్కులే పిక్కటిల్లాలి ఆ విజయఘోషతో

గమనమే సాగాలి ఘనమై నవ గమ్యమై

చ౹౹

పట్టుదలా పరమ మంత్రమై కావాలిలే  

పెట్టుబడిలా పెను ధైర్యము రావాలిలే

మొక్కవోని దీక్ష ఆ చుక్కాని చూపాలి

చక్కనైన ఫలితమూ అక్కునా చేరాలి

దిగులేలా యువతా దిగంతాలే జయించను

బిగువైనా కోరికా మనసంతను లయించను

దిగులేలా యువతా దిగంతాలే జయించను

బిగువైనా కోరికా మనసంతను లయించను

గమనమే సాగాలి ఘనమై నవ గమ్యమై

గగనమే దిగిరావాలి ఓ గానమై రమ్యమై

అలపులేని పయనం చేర్చును అందలం

మలుపు కోరి మజలీ పేర్చును ప్రోద్బలం

గమనమే సాగాలి ఘనమై నవ గమ్యమై

గమనమే సాగాలీ ఘనమై నవ గమ్యమై