గడ్డి పూలు

ఎన్నెన్నో అందాలు

ప్రకృతి ప్రసాదించిన వరాలు

సుప్రభాత గీతాలాపనతో 

కిలకిల మంటూ నింగిన వియతుల సైన్యం

అరుణిమ కాంతులతో చీకటి తెరలను

తొలగించగ భానుడు సంధించిన కిరణశరాలు

విరులపై తళుకులీను తుషార బిందువులు

మేలిముత్యాలను తలపిస్తున్న వైనం

చిన్నగా లేచిన పిల్ల కాలువల నీటి పరవళ్లు

లయబద్దమైన సంగీత స్వరాలు పలుకుతున్న దృశ్యం

 మెల్లగా చల్లగా వీస్తూ గడ్డిపూలతో దోబూచులాడుతూ సాగుతున్న మలయ సమీరం

మత్స్య కారుల హైలెస్సా గీతాలకు మైమరుస్తూ

సంతోష జల్లులను కురిపించిన గోదారమ్మ తల్లి

గిట్టల సవ్వడితో గజ్జెలు చప్పుళ్ళతో

గోధూళి వేళ తిరుగు పయనమయిన ఆలమందల అందాలు

సంధ్యా సమయ సూచికగా కొండల నడుమ

పొద్దు వాలుతున్న ప్రభాత సూరీడు

 ఎన్నో.. ఎన్నెన్నో..సహజ అందాలతో

అలరాడు ప్రకృతి 

నేడు సాంకేతికత ముసుగులో వసివాడుతున్నాయి

ప్రకృతి ని ప్రేమిద్దాం పరిరక్షించుకుందాం

భావితరాలకు తరగని ఆస్తిగా అందిద్దాం