సూటిగా మాట్లాడుదాం

ఆత్మ గౌరవాన్ని

అంగండిలో సరుకులా

ప్రదర్శనకు పెట్టి 

నేను నటించలేను

కీర్తి కిరీటం ధరించడానికి

మానాభిమానాలను

తాకట్టుపెట్టి

నేను నటించలేను

సహజంగా పుట్టుకతో అబ్బిన సుగుణ రాశిని

అంగాంగ ప్రదర్శన పేరుతో ఆరబోతకు

నేను నటించలేను

మెప్పుల మేకతోలు

శాలువాల కోసం 

నియమాలకు నీళ్లొదిలి

నేను నటించలేను

కాసులకోసం కక్కూర్తి పడి 

కష్టాన్ని పంటికొనను బిగపట్టి

చిరునవ్వు ముఖాన పూసుకుని 

నేను నటించలేను

పరువే ప్రధానమై

మనసు మాటను 

శిరసావహించే నేను

డబ్బుకోసం గడ్డి కరచే

నటనకు ఎన్నటికీ దూరమే!