ఎర్రటి కళ్ళు

దోమలు కుట్టకుండా బిడ్డకు విసనకర్ర ఊపుతూ

రాతిరి నిద్దరను మరచిన తల్లి కళ్ళు

పిల్లల స్కూలు ఫీజుల గురించి 

పొద్దంతా పని చేసి శరీర బడలికతో మూసుకుంటున్న కళ్ళు

ప్రియురాలి సందేశం కోసం ఫోన్ చూస్తున్న కళ్ళు

భర్త రాక కోసం ఎదురు చూస్తున్న కళ్ళు

బార్ లో మద్యం రుచితో మత్తెక్కిన కళ్ళు

మొదటి రాత్రి తినేసేలా చూసే కళ్ళు

ఎక్కడ చూసినా ఎర్రటి కళ్ళు

భయంతో కోపంతో ఆవేశంతో మోహంతో

ఇలా రకరకాల భావాలు నిండిన కళ్ళు

కళ్ళు అబద్ధం చెప్పవంటారు

అదేంటో

నీ కళ్ళు కూడా భలే మోసం చేసాయ్

ఎప్పుడూ ప్రేమ నిండినట్లు 

అనురాగం వర్షించినట్లు నటించాయ్

రేపెప్పుడైనా కళ్ళు ఎర్రబడితే

నన్ను గుర్తు చేసుకో