ఎదురై రానా !

కలలో నిన్నే చూడనా ,

నీకే ఎదురై నీపై నా ప్రేమను తెలుపనా !

చిగురించే ఆశను

గాలిపటంలా ఆకాశంలో నిలుపనా ,

అది పైపైకి ఎగరగా

కలిగే ఆనందం నీవల్లేనని నే చెప్పనా !

నీవు నాకోసం పూసిన ఓ గులాబిపువ్వు .

ఎంతో అందమైనది నీ నవ్వు .

గాలి చల్లగా వీచిన , నీ గురించే నాలో తలపు ,

చినుకులు సడి చేసినా వినబడును పిలుపు .

వెన్నెలకు మనసు పులకించిన ,

నాకై నిరీక్షిస్తున్నావేమో అని భ్రమ .

ఈ కాలంలో మెండుగా కురిసే

మంచులా ఆవహిస్తోందేమో నిన్నూ ప్రేమ !

దరి చేరనీవా ! మకరందాన్ని గ్రోలనీవా !!