దాగని దుఃఖం
దాగని దుఃఖం
1 min
351
ముందు నుయ్యి వెనుక గొయ్యి
మధ్యతరగతి మనిషి బతుకు
ఆశల కొక్కాలకు ఊగుతూ
దాగిన దుఃఖపు బడబాగ్నిని
పంటిబిగువున నొక్కి పట్టి
మింగుడు పడని వాస్తవాలను
జీర్ణించుకోలేని లోకపు పోకడలను
గుండె కుహరంలో అదిమిపెట్టి
బరువైన బతుకును సాగదీస్తూ
రాజీ సమరంతో సాగిపోతాడు
ఆటుపోట్ల తాకిడికి అలవాటు పడి
గెలుపోటములను ఆలోచించక
పూటగడవని జీవితాన్ని
బాధ్యతల బంధనాలతో
సంతోషపు తలుపు చాటున
అందని ద్రాక్ష లకై చావని కోరికతో
రోజులు వెళ్ళదీస్తాడు