గ్రంథాలయం
ప్రొఫైల్
చరవాణి
చరవాణి
ఎటు చూసినా అందరి హస్తములలో
అలంకార వస్తువుగా చరవాణి దర్శనం
ఇంటిలో ఉండేది నలుగురు
నాలుగు చరవాణుల దర్శనం
ఒక ఇంటికి పోతే చరవాణిలో పాటలు వింటూ
పనిచేసే అమ్మి దర్శనం
కూరగాయలకు వెళితే చరవాణిలో
మాట్లాడుతూ కూరగాయలు అమ్మే అబ్బి దర్శనం
గుడికి వెళితే చరవాణిలో వాట్సప్ప్ చూస్తూ
శఠగోపం పెట్టే పూజారి దర్శనం
రోడ్డు పైకి పోతే చరవాణిలో పాటలు వింటూ
రోడ్డు దాటే యువకుల దర్శనం
ఒక చేతితో బండి నడుపుతూ తలవంకరగా చెవికి
చరవాణి ని ఆనించి మాట్లాడుతూ హంగామా చేసే కుర్రాళ్ళ దర్శనం
ఆఫీసుకు వెళితే ఒక ప్రక్క చరవాణి లో భాషణ చేస్తూ
మరో వైపు శుభోదయం తెలిపే సహ ఉధ్యోగి దర్శనం
ట్రాఫిక్ సిగ్నల్స్ వద్ద చరవాణిలో మాట్లాడుతూ
బిచ్చగాడి దర్శనం
మిఠాయి దుకాణానికి వెళితే నా రాకని గమనించక
చరవాణి లో మాట్లాడుతూ యజమాని దర్శనం
చివరకు ఇంటికి వెళితే శిరస్సు పక్కకి త్రిప్పకుండా
ఒక తపస్సు లా చరవాణి లో ఆటలు ఆడుతూ
దర్శనమిచ్చిన నా పిల్లలే నేటి చరవాణి
దుస్థితికి నిదర్శనం.
