బతుకు జట్కా బండి

అంతరిక్షంలోకి శరవేగంతో దూసుకుపోతున్నా

మనిషికి పేదరికం సవాలుగానే మిగిలిపోయింది

భారంగా నడుస్తున్న బతుకుజట్కబండి

కరోనా మహమ్మారి రాకతో బీటలు వారింది

బండి చక్రాలు సవరించేంతలోనే

పెరిగిన ధరలతో బతుకు అదుపు తప్పింది

స్వార్థ రాజకీయాల  కారణంగా

అవినీతి రాజ్యమేలుతున్నది

ఉచిత పథకo  ప్రభుత్వ ఖజానాల్ని గుల్ల 

చేస్తూ కొందరిని సోమరులను చేసింది

సరైన వైద్యం అందక మహమ్మారి

ఎందరి ప్రాణాలనో బలి తీసుకుంది

ఆహార కల్తీలతో మనిషి శరీరం

మొండి రోగాలకు నిలయమైంది

నీతి నిజాయితీ కనుమరుగయి

"నాది" అన్న స్వార్థ భావన పెరిగింది

ఫలితం సామాన్యుడి జీవనం 

మరింత దుర్భరమయింది

పేదరిక నిర్మూలనతో నవ సమాజ స్థాపన

నేటి యువతకే సాధ్యం అవుతుంది

అందుకే యువత రాజకీయాలలో

చేరడం అనివార్యమయ్యింది

ఒక్క అడుగుతోనే సుదూర 

ప్రయాణం మొదలవుతుంది

లేదంటే బతుకుజట్కబండి 

ముక్కలై లోయలో పడిపోతుంది.

ఉచితాలను తిరస్కరించడమే

మార్పుకి నాంది.