భయానకం

బదులు లేని ప్రశ్నలా

వర్షపు చప్పుడు

నిద్రలో వినిపించే అడుగుల చప్పుడు

లేని పాత్రలు ఉన్నట్టు అనిపించే సినిమా చూసేటప్పుడు

రక్తం కన్నా నవ్వు ఒక్కోసారి 

దాడి కన్నా మౌనం ఒక్కోసారి

ఎక్కువ భయాన్ని కలిగిస్తాయి

అలాంటి భయానక విషయాలు

రోజూ నీ చుట్టూ జరుగుతుంటే 

ఇక కొత్తగా భయపడి బాధపడే అవసరం రాదేమో

చీకటి భయాలు ఎన్నో

బయట ఉన్న చీకటి ఎంతో 

దాన్ని తరిమేందుకు మార్గాలు ఎన్నో

మరి లోపల ఉన్న చీకటికి సమాధానం

జ్ఞానమనే వెలుగే కదా

మరి అది తెలుసుకోవడానికి

భయమెందుకు

నీ ఆత్మ నీతో చెప్పే విషయాలు వినేందుకు

అంత గుబులెందుకు