భావాలు బతుకు త్రోవకు సూత్రాలు

మనసులో వెల్లివిరిచే ఆనందం

చెడు తలపులతో పోరాటం

తెలియని భయాందోళనలతో రణం

తీరికను ఇవ్వని జీవితం

రేపటికై ప్రతిక్షణం ఆరాటం

కలలు కళ్ళలైన ఆవేదన ఒక క్షణం

భావాల సమ్మేళనం

పరిస్థితుల ప్రభావాల సమాహారం

ప్రతి బాటలో ఎదురయ్యేను ఈ అనుభవాలు

భవితను భద్రపరిచేందుకు చూపెను బాటలు

అనుభవాలపై ఆర్భాటాల ముసుగు

అభ్యంతరాల తీర్పుల ఋజువు

అందుకే అంతుచిక్కని చదరంగం మన జీవితం