అంతరం
అంతరం
డబ్బున్న వాడు ఖర్చు పెట్టాలి
లేని వాడు తినాలి
సామెతలు బాగానే చెబుతాం
ఎవరు ఖర్చు పెడుతున్నారు
పోనీ పెట్టినా మనం ఏమంటున్నాం
అంత డబ్బు ఖర్చు ఎందుకు
విందులూ వినోదాలూ వృథా ఖర్చు అంటున్నాం
అసలు డబ్బున్న వాడు ఖర్చు పెట్టకపోతే
రెండు జతల బట్టలు చాలు అనుకుంటే
అటు డబ్బు దానం కాకుండా ఖర్చూ కాకుండా
అలానే ఉండిపోతే
ఉత్పాదకత కథలా ఉండిపోదూ
కొత్త పరిశ్రమలు ఆగిపోవూ
నిరుద్యోగం పెనుభూతం అవదూ
ఖర్చు పెట్టే విధానం మారాలి
మనమైనా ఎవరైనా
ఆలోచించే విధానం మారాలి
అంతేగానీ ఖర్చు పెట్టకుండా
కేవలం కబుర్లు చెప్పి
పేదరికం రూపు మాసిపోవాలని అనుకోవడం
ఇంకా ఎన్నాళ్ళు భ్రమలో ఉండాలో ఏమో