అంతమెపుడు

పెరుగుతున్న కాలుష్యపు..భూతాలకు అంతమెపుడు..!?

కాల్చివేయు ఈ వేసవి..తాపాలకు అంతమెపుడు..!?

మిత్రులతో వైరాలను..మానాలని తెలయరేమి..

శత్రుత్వపు మిసైళ్ళ ప్రయోగాలకు..అంతమెపుడు..!?

పూలు తెంపి పరిమళాలు..నేలరాయు సంస్కృతేల..

జరుగుతున్న జీవహింస..హోమాలకు అంతమెపుడు..!?

లేతగాలి ఊయలలా..మది నిలుపుట చెలిమి కదా..

సంసారపు వడగాడ్పుల..కలహాలకు అంతమెపుడు..!?

హద్దుపద్దు లన్ని దాటి..దురాక్రమణ బుద్ధులేల..

దాయాదుల సరిహద్దుల..యుద్ధాలకు అంతమెపుడు..!?