నదీ

ఎక్కడో కొండ కోనల్లో పుట్టి 
అప్పుడే పుట్టిన బిడ్డలాగా
చిన్న నడకతో ప్రారంభమై 
ఎత్తు పల్లాన్ని ఎరుగుతూ 
గల గలల సవ్వడితో
మృదుమధుర సంగీత
ధ్వనిని తలపించేలా ఉరుకుల
పరుగుల వేగంతో మాట 
వినని మనసులాప్రవహిస్తూ
రాయి రప్పని తడుముతూ
ఆగని పయనంలా 
వచ్చీ రాని వయసులా 
చూపరులకి చూడ ముచ్చట
గొలుపుతూమధ్య వచ్చేటప్పటికి 
మనో రంజిత మందాకినీలా
యవ్వనపు పాల పొంగులా 
ఉరకలేస్తూ రుచి చూడ
తియ్యటి నీరు ఓషదాల గనిలా
నదీ వంపులా సాగుతూ 
చిరకాలం ఎదురుచూస్తూన్న
సఖుని చేరువ కోసం తపిస్తూ 
చివరికి తీరాన్ని ముద్దాడుతూ
అలనై ఎగసే కెరటమై తరంగమై
కడలిని కలిసి తరియించనా