ఆశ

ఇంకా ముందుందేమో 

" వుందిలే మంచీ కాలం 

ముందూ ముందూనా"

అన్నాడో సినీ కవి నా చిన్నతనంలో

కదా!అని ఆశగా ఎదురుచూశా

ఆ ముందు కాలం వెనుకబడి పొయింది

"మరోప్రపంచం మరోప్రపంచం"

అని కదం ద్రొక్కా శ్రీశ్రీ తోపాటు

ఉడుకురక్తం కదా

ఉన్నప్రపంచమే మాసి పోయింది

మరోప్రపంచం మాటే లేదే

"అదిగో నవలోకం"అన్నాడు

మరో ఆశావాది

అదిగో అరుంధతి అని

పౌరోహితిడన్నట్లు పట్టపగలు !

నడివయసూ నడిచి పోయింది

నవలోకమగుపించలేదు

"అచ్చేదిన్ "అన్నాడో

పచ్చి అబద్ధాలకోరు

అ వచ్చే దినములెప్పుడో!

ఆకలితో చస్తున్నాయ్ అన్ని వర్గాలూ

పిండాకూడు పెట్టేసు కుంటున్నాం

ముసలాడినయ్యాను 

మంచిదినాలొస్తాయని

ఆశిస్తూనే వున్నా

ఆప్టిమిస్టులం కదా

నా మునిమనుమలకన్నా వస్తాయని

 నిరీక్షణ కొనసాగుతూనే ఉంది

   

... సిరి ✍️❤️