ஒற்றை நட்சத்திரம்

அன்புள்ள நாளேடே,

மேகம் பூசிய வானத்தில்

ஒற்றை நிலவொன்று

ஒய்யாரமாக பவனி வர

நட்சத்திரப் பரிவாரங்களெலாம்

மின்னி மின்னியே தங்கள்

மகிழ்வலை தனை ஒளியென பரப்ப -

சில தினங்களாய்

நிலவதுவும் ஓய்வெடுக்கச்

சென்றதோ என்னவோ ?

நட்சத்திரப் பரிவாரங்களும்

நிலவுக்கு சேவகம் செய்ய

சென்று விட்டனவோ?

எப்படியோ வழி தவறிய

ஒற்றை நட்சத்திரம் மட்டும்

வானில் தன் ஒளிக்கீற்றினை வீசி

உறவுகளை தேடி நிற்கிறதோ ?