பணி 3 - வாழ்க்கை பாதை
பணி 3 - வாழ்க்கை பாதை
வாழ்க்கை எனும் சாலையில்
எனக்கான பாதை இதுவென்றே
நடை போட்டுக் கொண்டிருக்கையில்
வழி கேட்டு நீ வந்தாயோ ?
வழியோடே நீயும் வருகையில்
வழிகாட்டியாகவும் மாறிப் போனாயோ !
வழிகாட்டிகளெல்லாம் வாழ்க்கை வழி நெடுக
வந்திட முடியாதன்றோ ?
உன் பாதை வேறாக
என் பாதை பிரிந்து போக
வாழ்க்கை வகுத்த பாதை இதுவென்றே
வாழ்ந்திடுவோம் வாழ்வை நிறைவுடனே !
சந்திக்க நேரும் நொடிதனில்
புன்னகை சிந்த மறவாமல்
புன்னகை பூத்த முகங்களாகவே
நினைவுகளில் என்றும் மலர்ந்திருப்போம் !