காரணம் என்னவோ?

நையாண்டிக் கவிதை:

பாடித் திரியும்

புள்ளினமும்

சுற்றி வரும்

நாயும் பூனையும்

ஆச்சர்யமாய் முகம் நோக்கி

நின்றே - அடையாளம் அறியாது

குழம்ப - காரணம் என்னவென 

யோசிக்கிறேன்! 

அட! முகக் கவசம் -

காற்றையும் நீரையும் மாசாக்கி

இயற்கையை இம்சை செய்து

இன்பமாய் காலம் கழித்தீர்!

இப்போது இயற்கை 

உங்களுக்கே திரும்ப

 பன்மடங்காய் கொடுக்கிறது -

அனுபவித்து மகிழ்வீரென்றே

நக்கலாய் சிரித்தே

நகர்தோடி செல்கின்றன!