அழகிய நட்பு !

உதடுகள் புன்னகை சுமக்க

மனங்களோ அன்பினை வழங்க

பரஸ்பர உதவியும் ஆதரவும்

பிணைப்பினை மேலும் உறுதியாக்க

பிறந்ததே புத்தம் புது உறவு !

நண்பனது இனிய நட்பு ! 

எதிர்பார்ப்புகள் இங்கு ஏதுமில்லை !

எடுத்துக் கொடுக்க நல் மனமுண்டு !

விட்டுக் கொடுக்க விரும்புவதில்லை !

விடாமல் துணை வரும் அன்பின் பிணைப்புகள் !

உறவை யாசித்து நிற்பதில்லை !

நட்பென்ற உறவு மலர்ந்த பின்

பிரிவென்ற ஒன்று இங்கில்லை !

காலமும் கோலமும் குறித்தே

நட்பு ஓர் நாளும் கவலை கொண்டதில்லை !

காலம் பல கடந்தாலும்

உயிர்ப்புடன் இதயமதில் கேட்கும்

நட்பின் இன்னிசை இராகமே !

நட்பு மனம் கொள்வோம் !

நட்பால் அழகாக்குவோம் அகிலத்தையே !