இயற்கை காதல் ❤️

மண் மீது மரத்தின் காதல்

வேர்களெனும் கரங்கள் கோர்த்து

காலமெலாம் மகிழ்வான

அளவளாவலோடே தொடர்கிறது !

மலர் மீது வண்டின் காதல்

வண்ணங்களில் தொடங்கி

தேனெனும் அமுதக் கடலில்

திளைத்தே - தீராதிருக்கிறது !

கடல் மேல் முகில் கொண்ட காதல்

வானின்று கடலோடே நடை பயில

வானுக்கும் கடல் நீருக்குமூடே

மழைச் சாலையில் - காதல் வாசம் !

இயற்கை காதல் - அது

எந்நாளும் தீராக் காதல் !

அகிலத்தில் உயிரினங்களின்

வாழ்வுதனை வழிநடத்தும் காதல் !