Library
Profile
பெருமிதம்
பெருமிதம்
நான் ஆசிரியன் என்பதில்
பெருமை கொள்கிறேன்
ஏனென்றால் அவனே
விதியைக்கூறி விதியை மாற்றும்
வித்தகன்
காணாமல் கற்றான் ஏகலைவன்
இன்றும் அப்படியே
அன்றோ ஒரு துரோணர்
இன்றோ பல துரோணர்கள்
அதுவும் கட்டை விரலை
தட்சணையாக கேட்காத துரோணர்கள்
மாணவர்களின் அறிவுக் கட்டை
அவிழ்த்து விடத் துடிக்கும் துரோணர்கள்
ஆசிரியன் என்பதில்
பெருமை கொள்கிறேன்
பால் பேதமின்றி
ஆள் பேதமின்றி
அனைவரையும் ஆக்குபவன்
ஆசி
ரியன்
கற்பனைத்தேரில்
கற்பவனைக்கட்டி
கடிவாளமிட்டு
சாட்டையை சுழற்றி
இந்த உலகையே கண்முன் கொணர்ந்து
நிறுத்துவான் ஆசிரியன்
நான் ஆசிரியன் என்பதில்
பெருமை கொள்கிறேன்
தான் செய்த குற்றத்தை திருத்துபவன்
தான் கண்ட குற்றத்தை களைப்பவன்
தான் என்றும் நான் என்றும் கணம் இல்லாதவன்
தான் நின்று வளர்ப்பான்
தன்னையும் வளர்த்துக் கொள்வான்
ஆகையினாலே
ஆசிரியன் என்பதில்
நான் என்றும்
பெருமை கொள்கிறேன்
