நூலகம்
சுயவிவரம்
காதல் இல்லாத இடங்கள்!
காதல் இல்லாத இடங்கள்!
1 min
481
கோயிலில் காதல்
பூங்காவில் காதல்
பேருந்தில் காதல்
ரயிலில் காதல்
அலுவலகத்தில் காதல்
பக்கத்துவீட்டுக் காதல்
உறவுக்குள் காதல்
நட்புக்குள் காதல்
திரைப்படத்தில் காதல்
தொலைக்காட்சியில் காதல்
அங்கிங் கெனாதபடி
எங்கெங்கும் காதல்
காற்றுப் புகாத இடம்
கண்டாலும் காணலாம்
காதல் புகாத இடம்
காணவே முடியவில்லை!
என்று இறுமாந்த போது…
காதலின் எதிரிகள் என
மோதி முட்டி வந்தவை
பட்டியல் இங்கே இதோ
பார்த்துக் கொள்ளுங்கள்!
சாதி எதிர்ப்புகளால்
சரிந்து விடும் காதல்
மதத்தின் அடிப்படையில்
மறைந்து விடும் காதல்
அந்தஸ்தில்லாமையால்
அடங்கி விடும் காதல்
அகந்தையில் கூட
ஒடுங்கி விடும் காதல்
பொறாமைகளால்
கருகி விடும் காதல்
‘பொசஸிவ்னெஸ்’சில்
பொசுங்கி விடும் காதல்
ஒவ்வொரு வினைக்கும்
எதிர் வினை உண்டு
காதலில் கூட
காணலாம் இங்கு!
