கோடை! (வீட்டினுள் இருப்போம்)

கோடை!

(வீட்டினுள் இருப்போம்)

(கோவை என். தீனதயாளன்)

 

கோடையில் ஒரு கொரானா நாட்டுப் பாடல்

 (ரங்கனும்-ரங்கியும் பாடுகிறார்கள்)

 

 

எங்கே போயி நீ இருந்த - ரங்கா

எனக்கு சொல்லாமெ ஏன்போனே?

உனக்கு சொல்லாமே போவேனா - ரங்கி

வெத்தலேபாக்கு வாங்க போனேன்

வெயிலு அடிக்கிற அடியிலே - ரங்கா

வெத்தலேபாக்கு தேவை தானா

மழையில் தானே நோயிவரும் – ரங்கி

வெயிலில்போனா பிரச்சினை இல்லே

வெத்தலே பாக்கு கெடச்சுச்சா - ரங்கா

வெண்கோபன் கடையிலே இருந்துச்சா

வெண்கோபன் கடையிலே இல்லே – ரங்கி

வெளியிலே தூரம்போய் வாங்க வேணும்

கொரானா இருக்கு வெளியேரங்கா – இப்பொ

வெத்தலே நமக்கு தேவைதானா

வெத்தலே பாக்கு இல்லேயின்னா - ரங்கி

பைத்தியம் பிடிச்சி போயிடுமே

வெத்தலே பாக்கு வாங்கப்போனா - ரங்கா

கொரானா தொற்றி செத்திடுவோமே

எப்பிடியிருந்தாலும் செத்துப் போவோம் – ரங்கி

வெத்தலே போட்டுட்டு போய்ச்சேருவோம்

நம்ம மட்டும் போக மாட்டோம் – ரங்கா

நாலு பேருக்கு தொற்ற உடுவோம்

அந்த நாலும் வெளியில் போனா – இன்னும்

நாலு நாலுன்னு தொற்றிக் கொள்ளும்

அந்த நாலு நாலும் தொற்றி – மேலும்

அறுபத்தி நாலுன்னு ஆகிவிடும்

ஆறு நாலு வெளியேபோனா - ரங்கா

ஒன்னு ரெண்டு எட்டாகும்

ஒன்னு ரெண்டு எட்டு சேந்தாக்க - அப்புறம்

என்னாகும் சொல்லு ரங்கா..

போதும் போதும் போதும் ரங்கி – எனக்கு

இப்போ எல்லாமே புரிஞ்சி போச்சி

நாம வெளியிலே போகாம இருந்தாக்கா - உசிரு

நூத்துக் கணக்கிலே மிஞ்சிடுமே!

சரியாச் சொன்னே ரங்கி ரங்கி – இனிமே

வீட்டுலயிருந்து உசுரைக் காப்போம்!

சரியாச் சொன்னே ரங்கா ரங்கா – இனிமே

வீட்டுலயிருந்து உசுரைக் காப்போம்!

(கோவை என். தீனதயாளன்)