விட்டு விடுதலையாவோம் !

ஓடும் மேகங்களின் மத்தியில்

ஒளிர்ந்திடும் வட்ட நிலவினையே

ஒற்றைச் சாளரத்தின் கம்பிகளூடே

ஒருக்களித்து நின்றவாறே இரசிக்கிறேன் !

ஏனோ - சிறைப்பட்ட நிலவினை இரசிக்க

மனம் ஒப்பாத வேளையிலே

சாளரத்தை விட்டு விலகியே

வாசற் கதவினை அகல திறந்து

வானில் மெல்ல பார்வையை ஓட்ட

விட்டு விடுதலையானது -

நிலவு மட்டுமல்ல ! - சிக்குண்டு தவித்த

மன எண்ணங்களுமே தான் !