Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Deepa Sridharan

Abstract

5.0  

Deepa Sridharan

Abstract

முதுமை தழுவல்

முதுமை தழுவல்

1 min
73



உதிர்ந்த பல்லின் வெண்மை

கூந்தலில் படர்ந்து சிரிக்க

அழிந்த உள்ளங்கை ரேகை

முகத்தில் கோலம் வடிக்க

தேய்ந்த முழங்கால் எலும்பு

முதுகில் முண்டிக் கிடக்க

வடிந்த கன்னத்தின் சதை

கண்களில் பார்வை மறைக்க

மறந்த நினைவின் அலை

இமைகளில் தேங்கித் தவிக்க

அடங்கிய குரலின் வன்மை

நரம்புகளாய் புடைத்து நிற்க

இழந்தது ஒன்றும் இல்லை

இடம்மட்டும் பெயர்ந்து கிடக்க

முதுமை அவலம் இல்லை

மனதை தளர்த்தி வைக்க

தடியெடுத்து நடக்கும் போதும்

அனுபவங்கள் வழி நடத்தும்

அனுபவங்கள் சேர்த்து வைக்க

இளமையை முதலிட வேண்டும்

எல்லைகள் தாண்ட வேண்டும்

தாண்டையில் வீழல் வேண்டும்

வீழ்ந்தும் தேடல் வேண்டும்

தேடலில் வலிகள் வேண்டும்

வலிகள் உணர்த்த வேண்டும்

உணர்கையில் அச்சம் வேண்டும்

அச்சம் துறக்க வேண்டும்

துறக்கையில் முதிர்ச்சி வேண்டும்

முதிர்ந்ததும் விதைக்க வேண்டும்

விதைத்தபின் முதுமை வேண்டும்

முதுமையைத் தழுவல் வேண்டும்

தழுவையில் ரசித்தல் வேண்டும்

ரசிக்கையில் இளமை முளைக்கும்

இழந்தது ஒன்றும் இல்லை

இடம்மட்டும் பெயர்ந்து கிடக்க

முதுமை அவலம் இல்லை

மனதை தளர்த்தி வைக்க!


Rate this content
Log in