Library
Profile
அவள் கூத்தாடப் பிறந்தவள்
அவள் கூத்தாடப் பிறந்தவள்
தெய்வீகப்படுத்தாதே
அவளை
கருப்பை கொண்டதாலே
கடவுளாக்காதே
கடவுள்கள்
பிழையற்றவையாம்
ஆம்
இருந்தால் தவறிருந்திருக்கும்
அறிவு தீண்டாதவற்றில்
பிழைகள் தெரிவதேது
அவள் அறியப் படுபவள்
பிழை திருத்தி
வாழத் தெரிந்தவள்
அவனைப் போல்
அவைகளைப் போல்
வேறு வடிவமாய்
வடிந்து கிடக்கிறது
இரத்தமும் சதையும்
புனிதப் படுத்தாதே
அவள் தேகத்தை
புனிதம் பொத்தி வைக்கும்
தனதாக்கிக் கொள்ள நினைக்கும்
அவள் உடல்
உண்ண உறங்க
உழைக்க களிக்க
ஆக்க மரிக்க
வளர்க்கப் பட்டது
அதில்உணர்வுகள்
சேர்க்கப்பட்டது
அவனைப் போல்
அவைகளைப் போல்
நீருக்கோர் குணம்
நெருப்புக்கோர் குணம்
குணம
் கலைந்தால்
இரண்டும் சமம்
அவளுக்கும் ஓர் குணம்
தலையில் தூக்கி
வைக்காதே அவளை
பாரம் அடிமையாக்கும்
பயணத்தைக் கடுமையாக்கும்
உடன் பழகப்பிறந்தவளவள்
கை கோர்த்து நடை பயிலத்
துணிந்தவள் அவள்
அவனைப் போல்
அவைகளைப் போல்
அவளை அனைத்திலும்
அங்கமாக்கிக்கொள்
அதனை
நிதம் சகஜமாக்கிக்கொள்
அவள் என்பது
உள்ளடிங்கினால்
மகளிர் தினம்
என்பது
மறைந்து விடும்.
கொண்டாட நினைக்காதே
அவளை
கொண்டாட்டம் காரணம் பார்க்கும்
அளவுகோல் கேட்கும்
அவள்
கொண்டாடப் பிறந்தவள் அல்ல
கூத்தாடப் பிறந்தவள்
இப்பிரபஞ்சத்தைச்
சேர்ந்தாளப் பிறந்தவள்
அவனைப் போல்
அவைகளைப் போல்!
