தாய்ப் பாசம்

அன்புள்ள நாளேடே,

சாலையெங்கும் நிரம்பி வழியும்

இனம்புரியா பேரமைதி - அது

ஏனென்று விளங்காமல்

ஒவ்வொன்றாய் வெறித்த வண்ணம்

சாலையெங்கும் தேடியலைய

அன்றாடம் கனியோ பிரசாதமோ

அரை வயிறேனும் நிரப்பிய

கோயில் வாசல் எங்கும்

ஏகாந்தம் அடைத்துக் கிடக்க

தலையில் கைவைத்து நிற்கையில்

எங்கிருந்தோ ஒரு குரல்

மெல்ல அழைக்க -

அதை தேடிச் சென்ற நொடியில்

வயிற்றுப் பசி போக்க

கிடைத்ததோர் ரொட்டித் துண்டு !

நாளும் கிடைக்குமா என்பது

சந்தேகமென்ற போதும்

குட்டியின் தற்சமய பசிக்கு

உணவினை எடுத்துக் கொண்டு

ஓடும் பாசத் தாய் !