அதீத மழையில்!

சில்லன்ற சின்னஞ்சிறு மழைத்துளியாய் 

என்னுள் நித்தமும் துளிர்த்திடும் 

உன் மீது நான் கொண்ட 

அதீத அன்பின் சாரல் 

விண்ணிலிருந்து 

தூறலாக துவங்கி இன்று

பெருக்கெடுத்து சாலையெங்கும் 

வெள்ளமாக ஓடும் போது -

ஏனோ மழை நீரின் வாசனையில் 

உன் வாசம் தெரிந்திட 

தத்தளித்து தவிக்கும் என் மனது!

உணர்வுகளின் நீரோட்டத்தில் 

மழை நீரின் இதம் அறிந்து 

கனவுகளுடன் காத்திருக்கும் 

மழைக்கால வெயிலாக நீ!