କୁହୁକ ଗଣିତ
କୁହୁକ ଗଣିତ
ସ୍ବପ୍ନ କ୍ରମଶଃ ସତ ପଲଟିବା ଆଗରୁ
ସମୟର ନିଷ୍ଠୁର ଗତି ଭସାଇ ନେଲା ତୁମ ବାଲି ଘରକୁ ।
ହାରିଗଲ ତୁମେ , ଜଳିଗଲା ଆଉ ଏକ ମହେଞ୍ଜୋଦାରର ଭଗ୍ନାଂଶ ।
ଏବେ ଏକ ସତ୍ତା ହୀନ ସ୍ୱପ୍ନର କଂକାଳକୁ ନେଇ ସାଉଁଟୁ ଥିବ କିଛି ବ୍ୟକ୍ତିଗତ ଆସବାବପତ୍ର ।
ତାଳୁରୁ ତାଲିପା ଯାଏ ଖେଳିଯାଉଥିବ ସ୍ନାୟୁବିକ ବ୍ୟଗ୍ରତା,
ଉଡିଯାଉଥିବ ଅପେକ୍ଷାରତ ସମୟ ।
ଅଠା ଦେଇ ଯେତେ ଯୋଡ଼ା ଗଲେ ମଧ୍ୟ ,
ଶହେ ନୁହେଁ , ସହସ୍ର ନୁହେଁ ,
ଯାହା ଏବେ ଦୃଶ୍ୟମାନ , ତାହା ଖାଲି କୁହୁକ ଗଣିତ ।
ଆଜି ଖାଲି ପାଉଁଶ ତଳୁ ଶୁଭିଯାଉଥିବ କିଛି କଅଁଳ ହୃଦୟର କରୁଣ ଚିତ୍କାର ।
ଅଚିହ୍ନା ଲଗୁଥିବ ଚିହ୍ନା ମୁହଁ ସବୁ , ଜୀଇଁ ଉଠିଥିଲ ସେଦିନ ଯେଉଁମାନଙ୍କୁ ଦେଖି ।