STORYMIRROR

Panchanan Jena

Romance

3  

Panchanan Jena

Romance

ହସେ ବଉଳି

ହସେ ବଉଳି

1 min
129



ଲାଜେଇ ପ୍ରିୟା ମୋର 

ରାଗରେ ଗର ଗର

ମାନ ଅଭିମାନେ ରୋଷିଛି

ନାକ ଅଗରେ ନିଆଁ 

କୁହୁଳି ଛାଡ଼ୁଛି ଧୂଆଁ

ଫଣ ଫଣ ଦୁମ୍ ଦାମ୍ ଚାଲୁଛି ।


ଡରେଇ ଦେଉଛି ଦେଖି

 ଖତେଇ ହେଉଛି ମାଖି

 କଣେଇ ଆଖିରେ ଆଖି ମିଶିଗଲେ

ଡାମକା ଆଖି ତରାଟି

 ତର୍ଜନୀ ଅଗରେ ଓଲଟି

ଦେଖିନେବ ମନେ ମନେ ଠାରି ହାଉଲେ ।


ଗୋଲାପି ଓଠରେ ଶୂନ୍ୟତା 

କମ୍ପିତ ଅଧରେ ତାଣ୍ଡବଡା

ଫଁ ଫଁ ଯମା ମାନୁନି

ଶେଷ ଶ୍ରାବଣ ଟା ବୋଧେ

 ଯିବ ଅକାରଣ ଅଧେ

ଫନ୍ଦି ଫିକର ବି ଆସୁନି ।


ଫୁଲର ସୁଷମା ନୟନେ

 ଗଗନେ ଚନ୍ଦ୍ରମା ବିହୁନେ

ଝାଳେଇ ପ୍ରିୟା ରୋଷେଇ କରେ

ବାହାରେ ବରଷା ଛିଟା

 ଭିତରେ ରାଗରୋଷା ଲଟା

ସନ୍ତୁଳି ପକାଏ ନିରୋଳା ପ୍ରହରେ ।


ମନ୍ଦ ମଳୟର ପ୍ରଲେପ 

ସଂଧ୍ୟା ପ୍ରଳୟର ଆଲେଖ୍ୟ

ଅକାରଣେ ଲାଗିଗଲା ଗ୍ରହଣ

ସପ୍ତାହନ୍ତେ ଆସିଥିଲି ଧାଇଁ

ଫସିଗଲା ଜୀବନ ନଈ

ମିଳିବନି ଆଉ ବାହୁ ବେହରଣ ।


କେତେ ଯେ ଅକୁହା କାହାଣୀ&

nbsp;

ପାଞ୍ଚଦିନ ଛନ୍ଦି ଥିଲି ବୁଣି

ଚୂର୍ଣ୍ଣ କୁଣ୍ଡଳକୁ ଛୁଇଁ କହନ୍ତି

କର୍ଣ୍ଣ କୁଣ୍ଡଳକୁ ଚାପି

 ଆଉଁସୁ ଆଉଁସୁ ମାପି

ଗଣ୍ଡ ଦେଶେ ଚୁମି ଭାସନ୍ତି ।


ଝିଙ୍କାରୀର ଘନ ଘନ ସ୍ଵନ 

ବାହାରେ ଚାଲିଛି ତୁମ୍ଭି ତୋଫାନ

ଚକ୍ରାନ୍ତ କରିଛନ୍ତି ବୋଧେ

ଲଘୁଚାପ ପ୍ରଭାବେ ସ୍ୱଭାବେ

 ଝପାକୁ ଝପା ବରଷେ ନଭେ

ବିଜୁଳି ଉତ୍ପାତ ସୋଧେ ।


କିଟିକିଟି ଅନ୍ଧାର ମସି

 ଚୌକିରେ ମୁଁ ଏକାକାର ବସି ବସି

ବିରହେ କୁହୁଳେ ବାରମ୍ଵାର

ଚଡକର ଧ୍ଵନୀ ଥରାଇଲା 

ବିଜୁଳି ପଲକେ ଡରାଇଲା

ଢୁ ଢା ରେ କମ୍ପିଗଲା ଘରଦ୍ଵାର ।


ଡ଼ରେଇ ଗଲା ଭୟେ 

ଜଡେଇ ଗଲା ହିୟେ

ଅତର୍କିତ ତ୍ରସ୍ତା ହରିଣୀ ଜୋରେ

ମୁଠେଇ ଧରିଲି ଠେଲି

କୋଳେଇ ନେଇଛି ନେଲି

 ଇନ୍ଦ୍ରଦେବେ ତଥାସ୍ତୁ ଦେଲି ଧୀରେ ।


ଗରମ ନିଃଶ୍ୱାସ ସବୁ

ଲାଜୁଆ ପ୍ରଶ୍ଵାସ ଭାବୁ

ଲାଜେଇ ପ୍ରିୟା ମୋ ଗଲା ତରଳି

ଆଡରୋଷା ପରେ ପରେ 

 ଅଙ୍କଘଷା ଆସରେ ସରେ

ମିଳନ ପୂର୍ବର ଅସ୍ତରାଗ ହସେ ବଉଳି ।


Rate this content
Log in

Similar oriya poem from Romance