ପିଣ୍ଡର ଉର୍ଦ୍ଧ୍ୱରେ ତୁ...

ତୁ କେବେ ସ୍ବୀକାର କରିବୁ ବୋଲି ମୁଁ

ସେକଥା କେବେ ଭାବିନି l

ତୁ କେବେ ତିରସ୍କାର କରିବୁ ବୋଲି

କେବେ କଳ୍ପନା କରିନି ll

ତୁ କେବେ ଘୃଣା କରିବୁ ବୋଲି ମୋତେ

ମୁଁ କେବେ ଚିନ୍ତା କରିନି l

କି ତୋ ଭଲପାଇବା କମିଯିବ ଭାବି

କେବେ ବଦଳି ଯାଇନି ll

ତୁ ମୋତେ ଭଲ ପାଉକି ନା ଜାଣିନି

କି କେବେ ମୁଁ ପଚାରିନି l

କାହିଁକିନା ସେସବୁ ଉତ୍ତର ଜାଣିବାକୁ

ମୁଁ ଆଦୌ କେବେ ଚାହିଁନି ll

କାଳେ ତୋ ପ୍ରତି ମୋ ପ୍ରେମକମିଯିବ

ତେଣୁ ଏସବୁ ଶୁଣିନି l

ତେଣୁ ଆଜିବି ମୋ ପ୍ରେମ ବଂଚିଛି

ଆଉ କେବେ ମରିବନି ll

ତୁ ଦୂରେଇ ଯିବୁ ଭାବି ମୁଁ କେବେବି

ତୋଠୁ ଦୂରେଇ ଯାଇନି l

ଅଭିମାନ କରିବୁ ବୋଲି କେବେ ଭାବି

ତୋତେ ଭୁଲି ମୁଁ ଯାଇନି ll