ବହି
ବହି
1 min
149
ନିର୍ଧୁମ ବୈଶାଖାର ଦ୍ବିପ୍ରହରରେ ,
ବହି ଦିଆନିଆର ଆସର ଭିତରେ ,
ମଝି ଫର୍ଦ୍ଦରେ ଶୁଖି ଯାଉଥିବା ଗୋଲାପ ଫୁଲଟି ,
ଇଣ୍ଟରନେଟର ତାମ ଝାମ ଭିତରେ କେବେଠାରୁ ଝଡ଼ିଗଲାଣି ।
ମାନବିକତାର ଜୁଇ ତଳେ ଆଜି ଛନ୍ଦାଛନ୍ଦି ହୁଅନ୍ତି ବାଟବଣା କିଛି ଶବ୍ଦ ।
ମୃଦଙ୍ଗ ବଜେଇ ଅଟ୍ଟହାସ୍ୟ କରନ୍ତି ଲିଭିଯାଇଥିବା ଅନେକ ସୂଚିପତ୍ର ।
ଡିଜେଲ ଗନ୍ଧ ସହ ମିଶିଯାଇଛି ଆଜି ଆମ ଗାଁ ଆମ୍ବ ବଉଳର ବାସ୍ନା ।
ଆଈ ମାଆ କାହାଣୀର ପେଡି , ହଜେଇ ଦେଇଛି ନିଜ ସୁନା ମାଖା ଚାବିକୁ ।
ମୋଟା ମୋଟା ମଲାଟର ଚାପା ତଳେ ଅସ୍ପଷ୍ଟ ଶବ୍ଦ ସବୁ ,
ହତ୍ୟା , ଧର୍ଷଣ , ଲୁଣ୍ଠନର କାହାଣୀ କହୁ କହୁ ଆଜି ଅନେକ କ୍ଳାନ୍ତ ।
ବହି ଥାକ ଭିତରୁ ଭାସି ଆସୁଛି ଯନ୍ତ୍ରଣା ଜର୍ଜରିତ କେତୋଟି ଶବ୍ଦ
" ମୋ ସୂଚିପତ୍ର କଣ କେବେ ବି ବଦଳିବନି ? "