ନୂଆଖାଇ ଜୁହାର

ନୂଆ ଧାନ ଚାଷ ଫସଲ ଅମଳ

ପାଇଁ ପାଳିତ ହୁ ଅଇ

ପଶ୍ଚିମ ଓଡ଼ିଶା ପ୍ରସିଦ୍ଧ ପରବ

ଅଟଇ ଏ ନୂଆଖାଇ ।

ମାଆ ସମଲେଇ ପାଖେ ପାଞ୍ଜି ଦେଖି

ସ୍ଥିର କରା ଯାଏ ଲଗ୍ନ

ଏହା ପରେ ଘର ଲିପା ପୋଛା ଯାଇ

ହୁଏ ପରିଷ୍କାର କାମ ।

ଭାଦ୍ରବ ଶୁକଳ ପଞ୍ଚମୀ ଦିନ ରେ

ପାଳିତ ହୁଏ ଉତ୍ସବ

ମାଆ ସମଲେଇ ପାଖେ ପୂଜା ଦ୍ରବ୍ୟ

ଥୋଇଣ ଆନନ୍ଦ ଭାବ ।

ହୁଅନ୍ତି ସଭିଏଁ ମତନ୍ତି ଉଲ୍ଲାସ

ନାଚ ଗୀତ ବାଦନ ରେ

ଧାନ କେଣ୍ଡା , ଚୁଡ଼ା , ମଣ୍ଡା ଓ ଉଖୁଡା

ଥୋଇ ମା ଆଙ୍କ ପାଖରେ ।

ନାନା ଭୋଗ ରାଗ ପିଠା ପଣା କ୍ଷୀରି

କୋରେଇ ପତରେ ଭରି

ପରମ ତୃପ୍ତି ରେ ସଭିଏଁ ସରାଗେ

ଖାଆନ୍ତି ଏ ନୂଆଖାଇ ।

ଝୋଟି ଚିତା ଆଦି ଆଙ୍କି ପୂଜା କରି

ଡାଲଖାଇ ନୃତ୍ୟ ଗୀତ 

 ଲାଗି ଆୟୋଜନ କରି ବହୁ ଜନ

ଆନନ୍ଦେ ହୁଅନ୍ତି ରତ ।

ପରିବାର ଲୋକ ନିଜ ନିଜ ମଧ୍ୟେ

କୋଳା କୋଳି ହୋନ୍ତି ସୁଖେ

ଗାଆଁ ର ମଝିରେ ପରାବ ଶେଷ ରେ

ମିଳନ୍ତି ଏ ଦିନ ଲୋକେ ।

ବଡ ମାନ ଙ୍କୁ ଓ ଗୁରୁ ଜନ ଭକ୍ତି

କରି କରନ୍ତି ପ୍ରଣାମ

ନୂଆଖାଇ ଭେଟ ଜୁହାର କହନ୍ତି

ସ୍ନେହ ଆଦର ଓ ପ୍ରେମ ।

ସଦ୍ଭାବନା ଆଉ ନବ ସମ୍ଭାବନା

ଆଣଇ ଏ ନୂଆ ଖାଇ 

କେତେ ଶାନ୍ତ ସ୍ନିଗ୍ଧ ସରଳ ଗ୍ରାମୀଣ

ପରବ ପରା ଲୋ ଏହି ।