ଶେଷ ବସନ୍ତର ଚିଠି
ଶେଷ ବସନ୍ତର ଚିଠି
କଥା ଦେଇ କଥା ରଖି ପାରିଲିନି ବୋଲି
ଲୁହ ପଖାଳୁଛି ମୁଁ' ରାତି ଅଧରେ
ବଢୁଅଛି ରାତି ତୁହାକୁ ତୁହାଯେ
ଛିଣ୍ଡି ପଡୁଅଛି ଦିନ ,
ମୁହଁସଂଜ ବେଳ ଗଡି ଗଲା ପରେ
କାଲିକି ପୁରିବ ଅଢେଇ ଦିନ ।।
କାହାକୁ କହିବି କିଏ ବା' ଶୁଣିବ
ଅଧରାତି ଯାଏ ମତେ ଚାହିଁ ,
ଜହ୍ନ ଉଠେ ଏଠି ମଲା ହସ ହସି
କଇଁ ଗଣୁ ଥାଏ ଦିନ ,
ଶ୍ରାବଣ ମାସର ଝଡି ବରଷାରେ
ଜଳୁ ଥାଏ ଦେହ- ମନ ।।
ଛାଇ ଆଲୁଅରେ ତୁମେ ଥାଅ ବୋଲି
ଜାଣି ନଥିଲି ମୁଁ ରାତି ଦିନ
ଘାଇତଳେ ଘର ମୋ' ନଷ୍ଟ ନୀଡର
ଫଗୁଣର ଠାରୁ ଦୂରେ ଦୂରେ,
ଆହା ! ହଜିଲା ବସନ୍ତ ଆସନ୍ତା କି ଥରେ
ଅଳସୀ କନ୍ୟାର ପଣତରେ ।।
ଡଃ ଶିବ ପ୍ରସାଦ ତ୍ରିପାଠୀ
ସ୍ମୃତି ନିଳୟ,ଉଦୟ ନଗର
ଷ୍ଟେସନ ରୋଡ,ବଲାଙ୍ଗୀର (ଓଡିଶା)