ହେ ଜଗତର ନାଥ

ଜୀବନର ଶେଷ ଆଶା

ତୁମେ ଜଗନ୍ନାଥ, ହେ,

ଦୁଃଖୀର ସଙ୍ଗାତ;

    ଜୀବନର ଶେଷ ଭାଷା 

    କାଳିଆ ସାଆନ୍ତ, ହେ,

    ନୀଳଗିରି ନାଥ;

ତବ ପଦାମ୍ଵୁଜ ତଳେ,

କିଙ୍କର ମୁଁ ମାତ୍ର, ହେ, ପ୍ରଭୁ ରମାକାନ୍ତ ।

ଜୀବନର ଶେଷେ ନେତ୍ର

ଦେଖି ତବ ଚିତ୍ର, ହେ,

ଛାଡିବ ଏ ମର୍ତ୍ତ୍ୟ;

  ତୁମ ନାମ ଶେଷେ ମୁଖୁ,

  ହେଉ ଉଚ୍ଚାରିତ, ହେ,

  ତୁମ ନାମ ସତ୍ୟ;

ହେ ମଙ୍ଗଳ ମୟ ହରି

ଅନାଦି, ଅଚ୍ୟୁତ, ହେ, ପ୍ରଭୁ ଜଗନ୍ନା

Advertisement

ଥ ।

ଜୀବନର ସୁଖ ଦୁଃଖ

ତୁମରି ପ୍ରଦତ୍ତ, ହେ,

(ମୋ)ଜୀବନ ସଂଗୀତ;

   ଗାଇବି ଯାଇ ମୁଁ ପ୍ରଭୁ

   ତୁମରି ସମିପ, ହେ,

   ଅନାଥର ନାଥ;

ଗାଉ ଗାଉ ଏ ଜୀବନ,

ଛାଡି ଦେଉ ଘଟ, ହେ, ଜଗତର ନାଥ ।

ଏ ଜୀବନ ତୁମ ପାଇଁ

ତୁମେ ମୋର ନାଥ, ହେ

ହେଲି ସମର୍ପିତ;

   ଆଶା ଭରଷା ତୁମେତ

   ତୁମେ ଜଗନ୍ନାଥ, ହେ

   ନୀଳାଦ୍ରି ସାଆନ୍ତ;

ଏଭବ ସାଗରୁ ମୋତେ

ଉଦ୍ଧାର କରତ, ହେ, ଲକ୍ଷ୍ମୀ ପ୍ରାଣନାଥ ।