ମୋତେ ମିଳିଛି ମିତଟିଏ

ବର୍ଷା ଝରେ

ଆଗମନୀରେ କା'ର

କେ ଯାଉଥାଏ

ପ୍ରିୟତମର ଗାଁ ଛାଡି

ବିରହ ସ୍ୱରେ କେତେ ଗାଉଛି

ରହି ରହିକା

ନିଃସଙ୍ଗ ପକ୍ଷୀଟିଏ

ମୋତେ ମିଳିଛି ମିତଟିଏ ||

କୁଆଁ ତାରାକୁ

ଆଖି ପୁରାଇ

ଦେଖିବ ସେହି କଇଁ

ଉନ୍ମାଦ ମନ କ୍ଷଣିକ ପାଇଁ

କୋଳରେ ଯିବ ଶୋଇ

ପବନ ସେମିତି

ଗାଉଥିବ ଗୀତଟିଏ

ମୋତେ ମିଳିଛି ମିତଟିଏ ||

ନ ଥିବ ସେଠି

ବାଧା ବନ୍ଧନ

ମନ ପିକର

କାନ୍ଦ କରୁଣ

ଝଡ଼ିଲା ଫୁଲ

ଫିକାହସରେ

ଲେଖିଛି ପ୍ରତିଶ୍ରୁତିଟିଏ

ମୋତେ ମିଳିଛି ମିତଟିଏ ||

ହେବ ସେ ଛିଡା

ସେହି ଅୟନେ

ତୁଣ୍ଡ ଅତୁଣ୍ଡ

ଶୁଭେନି କାନେ

ମୃତ୍ୟୁର ସୀମାବନ୍ଧ ଡେଇଁଲେ

ବିସ୍ତୀର୍ଣ୍ଣ ଉପବନଟିଏ

ମୋତେ ମିଳିଛି ମିତଟିଏ ||