==* खेळी जीवनाची *==
==* खेळी जीवनाची *==
पाहून थकलो वाट पावसाची
पेरणी कधीच झाली
भिजून चार दिसाच्या पावसानं
कोरडी जमीन झाली
रक्ताचं पाणी केलं शेतमाळ सजवायला
अजून पाऊस नाही, कठीण पिक जगवायला
आस नाही मेली पाऊस पडेल म्हणून
विश्वास मेहनतीवर त्याचं सोनं घडवायला
का अत्याचार दरवर्षी होतो
खेळ अंतकरणावर येतो
मरावच शेतकऱ्याने झुरत
कधी सौभाग्य नशिबी येतो
तरसलीत डोळे बघाया हिरवळ शेताची
नको आणू पाडी देवा मजबुरीनं मरण्याची
कटती दिवस रात्र उपासमारीत सारखे
का करतो तू खेळी या गरीब जीवनाची
का करतो तू खेळी या गरीब जीवनाची