निशब्द
निशब्द
लिहावं मनाचं की राहू द्यावं
मनाच्या गाभाऱ्यात
क्षणोक्षणी टोचणारे
शब्द पडून तसेच
आपण लिहावं मनातलं
आणि अर्थ काढावा दुसऱ्याने
तिसराच काही तरी
म्हणून विचारतो
लिहावं मनाचं की राहू द्यावं
साली आपलीच जिंदगी
व्यक्त करायला शंभर विचार
म्हणून आतल्या आत गुदमरतो
जीव बिनपाण्याच्या मास्यासारखा
तडफडत दिवसरात्र
विचारांचा तमाशा मांडून
आपणच निशब्द व्हावं आणि
थांबवावा वादळ शब्दांचा
निजवावे शब्द आणि करावा प्रयत्न
त्यांना ठार मारण्याचा
तरीही निर्माण होणार तोच प्रश्न
की लिहावं मनाचं की राहू द्यावं